قصيده (شعر ) في بنات الرياض

بسم الله الرحمن الرحيم
انا ابغا اعطيك شعر في بنات الرياض لا تزعلون يالبنات الي مو من الرياض
احم احم (انا منهم )
--------------------
البنات من الرياض اللـي حكايتهـن حكايـة
أهدروا لي دم قلبي واشعلوا في الراس شيبـي
البداية في النهايـة والنهايـة فـي البدايـة
تشرق الشمس وتغيب وتشرق الشمس وتغيبي
جمعت فحشا علـى منكـر وسمتهـا روايـة
تصنع من الذيب حمل وتصنع من الحمل ذيبي
دون حد الاحتـراف ودونهـا حـد الهوايـة
بابعد من ابعد بعيد وباقرب من اقرب قريبـي
في شريعتها زواج بـدون مهـر ولا ولايـة
ذيك عداها القطار وذيك ما جاهـا النصيبـي
وذي تقول ارضى بكاين من يكن يطلع معايـه
احتفل به واكتفل به شرط ما يطلـع خطيبـي
وذي تقول أهتك شرف نفسي واشهر به نكاية
في أبوي وامي وعمي وأخوي وفـي خطيبـي
صورت هـذا البلـد للعالـم الغربـي مرايـة
الثمامة تعكس الصورة من البحـر الكاريبـي
ما دري ليش تفوح من صفحاتها ريحة وشاية
خبث صهيوني مغلـف مرتيـن بحقـد ليبـي
أنشهرتي يا رجا الصانع بمـا فيـه الكفايـة
إنما ظنـك وظـن اكبـر شياطينـك يخيبـي
الرياض الراية الخضـرا تحـدت كـل رايـة
واقفـة بالنـد والمرصـاد للغـزو الصليبـي
دار ابو متعب وابو متعـب تسلمهـا وصايـة
من فهد من سالف أخوانه من الجد العريبـي
أصبح أول من رماك اللـي تعلمـه الرمايـة
واصبح أول من طعنك أخوك ماهوب الغريبـي
يمكـن الإرهابـي التقليـدي يفجـر بنـايـة
والا يطلق في الهوا طلقة تصيب أو ما تصيبي
لكن إرهاب العقول أحـق وأولـى بالرعايـة
والسهام اللي تصيب الفكر مضربها عطيبـي
هـو صحيـح ان الروايـة رجعتنـا للقرايـة
مير جرح سوته في القلب لا يمكـن يطيبـي
وفرت بأسلوبهـا المقـذع تكاليـف الدعايـة
ولبستك البشت بالمقلوب يا غازي القصيبـي

مشكور اخوي ون على القصيده المميزه بس ياول منين جايبها بس اعجبني البيت الى يقول
في شريعتها زواج بـدون مهـر ولا ولايـة
ذيك عداها القطار وذيك ما جاهـا النصيبـي
وذي تقول ارضى بكاين من يكن يطلع معايـه
احتفل به واكتفل به شرط ما يطلـع خطيبـي
وذي تقول أهتك شرف نفسي واشهر به نكاية
في أبوي وامي وعمي وأخوي وفـي خطيبـي
صورت هـذا البلـد للعالـم الغربـي مرايـة
الثمامة تعكس الصورة من البحـر الكاريبـي
مشكور اخوي ون وتــقــبل مــروري

مشكور علي الرد اخوي عالي

مشكور ون على على القصيدهـ وتقبل مروري

اشكرك اخوي اموت فيك علي الرد الحلو