بعترف لك اعترف (بصمتي)

بعترف لك اعتراف <وبصمتي>تشهد علية..

إعتراف يحگي حقيقـﮧ ولايگون الرد ليـﮧ ..

أنا "أحـــــبــــگ" إيـﮧ "أحـــــبــــگ"

وشوف قلبي وإسألـﮧ ..}

وفوق حبي لگ مشاعر تنطق بشوق الوجيـﮧ ..

گل ماشفتگ "حبيبي" قال قلبي إيـﮧ أبيـﮧ ..

هذا هو اللي "أحبــﮧ وأعشقـﮧ وأموت فيـﮧ"

هذا هو اللي هزمني وخلا أشواقي تجيـﮧ ..

هذا هو اللي [هويتـﮧ] ليتني لأشتقت أجيـﮧ !!

بعترف وهذا إعترافي . . إن قلبي لگ وافي ..

وإنگ أغلى من يگون . . وإن حبي لگ گافي ..

وإن شوفگ للجروح طبها اللي گان شافي ..

يابعد حاضر وغايب . . ياسبب إبداع قافي ..

إنت يابسمة شفاتي . . حبي اللي جاگ صافي ..

وصرت صورهـ في عيوني أنظرگ لو گنت غافي ..

نوري الضاوي أشوفـﮧ فيگ يوم النور طافي ..

وعشقي اللي ماحگيتـﮧ جاگ واضح وجاگ خافي ..

بردي لاحرگ غصوني في حماگ يصير دافي ..

وصيفي لازاد السراب ينتعش لاجيت لافي ..

گيف أعبر وگيف أقول وإنت حلي والحلول ..

گل گلمـﮧ قلتها ماتجي ربع الميول ..

لأني أحمل لگ غرام يبهر أصناف العقول ..

مايترجم بالگلام ولايترجم بالشمول ..

يگسي (الصحراء) ورود والزهر يغزي الفصول ..

حبي ماهو حب عادي ولا هو [مجرد فضول] ..

حب عمرهـ مايموت بالأمل عمرهـ يطول ..

حب يملگ حس صادق عيبـﮧ بس إنـﮧ خجول ..

ماقدر يظهر حنينـﮧ ولاقدر يخفي ونينـﮧ..

عندهـ أشعار وأغاني وصارت أشواقـﮧ سجينـﮧ ..

إن حگى تصمت حروفـﮧ . . وإن صمت يحگي أنينـﮧ ..

عندهـ أسرار ومودهـ باقيـﮧ لأخر سنينـﮧ ..

وعندهـ للحب معنى يعتلي قمة جبينـﮧ ..

گيف أعبر عن مداگ . . وگيف أوضح لگ غلاگ ..

قلي أرجوگ بعبارهـ فيها آصل مستواگ ..

"گلمه قبلي ماحگوها. . لگ ماهيب لسواگ"

تشفي لاجتگ المواجع وتصبح النور لسماگ ..

ودي أبعثها بليل وماتنام الامعاگ ..

أوتجي وقت النهار وتصبح الضيف لمساگ ..

او تنطقها شفاهي ولجروحگ هي دواگ ..

تخبرگ عني وعن قلبي اللي فيگ جن ..

وعن مدارات السهر وعن محطات الزمن ..

لين تقنعگ بشعوري اللي ماعمرهـ وهن ..

دايم في سيرتگ يسرح لين حبگ صار فن ..

حطم أرقام المحبه وإنتهگ حد الأمن ..

أعشقگ عشق الصراحـﮧ . . وعشقي أرسل لگ رماحـﮧ ..

أگبر من إنگ تخيل أوتقيسـﮧ في مساحـﮧ ..

يعجز التعبير يگتب مهم گانت لـﮧ فصاحـﮧ ..

عن وجودگ في حياتي وإني أشعر بإرتياحـﮧ ..

وإنگ (الحب الحقيقي) اللي غطاني وشاحـﮧ ..

وإن بغيت أگثر أزيدگ . . إني نبضـﮧ في وريدگ ..

وإني أستلهم وجودي لادفت يدي بإيدگ ..

وإني أحزن لافقدتگ والفرح عيدهـ بعيدگ ..

ماأذگر إني قد نسيتگ . . وأذگر إني بس أريدگ ..

وگانها الدنيا [قديمـﮧ] أنا بالدنيا جديدگ ..

أنا ياقلبي وجودگ گان ضاقت بگ حدودگ ..

وإن تبي الضحگه تراني بسمـﮧ تسعد خدودگ ..

لاتضايق أوتگدر دامني أغلى وفودگ ..

لأني "أحـــــبــــگ" زيادهـ بالوصل ولا بصدودگ ..

غصب عنگ وغصب عني ذبت في قطرة جمودگ ..

لوتعاند أوتگابر . . غصب "أحـــــبــــگ" لو تهاجر ..}

الهوا ماهو غصيبـﮧ گنت أدري وگنت خابر ..

بس بالقوهـ هويتگ وتشهد حروف المحابر ..

وأدري إنگ في مغرم بس ماهو مثلي وصابر ..

عندگ إحساس التحمل وتمتلگ حگي المشاعر ..

وأنا لاحبيت أذعت حبي بأوساط المنابر ..

وگان ظني فيگ خاطي بأترگ الدنيا وأسافر ..

لأني بدونگ (مجرد جسم) من حبـﮧ تجرد ..

مايحب الا الخيال اللي في حبگ تحدد ..

أنت ياحلمي الجميل غيم ماعمره تبدد ..

المطر نظرة عيونگ والعطا منگ يتجدد ..

ماخلق مخلوق غيرگ أنا لرضاهـ أتودد ..

قلت "أحـــــبــــگ" وإعترفت . . قلتها وإنت إقتنعت ..}

قلتها بصوت الگتابـﮧ وصوتي الصادق حبست ..

في مسافاتگ مشيت وآخر الرحلـﮧ وصلت ..

وجيت وأنفاسي تقول أنا "أحـــــبــــگ" لوزعلت ..}

[.. هذي هي گل الحگايـﮧ أوسميها الروايـﮧ ..]

[.. إبتدت منگ البدايـﮧ .. وإنتهت فيگ النهايـﮧ ..]


اهداء الى قلبي ورروحي الشششششش ابووو

رعشة دفاا كتب:

صح لسانك مليووون اخي عبد الله

قصيدة جميلة يعطيك العافية عليهاا

ابدعت ابدعت واتمنى مواصلة هذا الابداع

تقبل مروري المتواضع على صفحتك الرائعة


في انتظار المزيد

اختك رعشة دفاا

يسلموو يالغاليه ع المرور

ردك اذهلني واحترت بالرد عليهـ